Халдварт өвчин судлалын үндэсний төвөөс улаанбурхан өвчний нөхцөл байдлын талаар мэдээлэл өглөө. Өнөөдөр буюу 2025 оны зургаадугаар сарын 18-ны байдлаар нийт улаанбурхан өвчний лабораториор батлагдсан тохиолдол 8154, эмнэлэгт хэвтэн эмчлүүлж байгаа 666, гэрээр 1210, эдгэрсэн 6272, Хавьтал 63052, нас баралт 6 байна.

Улаанбурхан бол вирусээр үүсгэгддэг хүүхдийн халдварт өвчин юм. Улаанбурхан өвчний шинж тэмдэг вируст өртсөнөөс хойш 10-14 хоногийн дараа илэрдэг. Улаанбурхан өвчний шинж тэмдэг нь ихэвчлэн, 

• Халуурах
• Хуурай ханиалга
• Нус гоожих
• Хоолой өвдөх
• Нүдний үрэвсэл (коньюнктивит)
• Том, хавтгай толбоноос тогтсон арьсны тууралт

Тууралт нь чихний араас эхлэн эхний өдөр нүүр хүзүү, цээжний дээд хэсгээр, 2 дах өдөр их биеэр, 3 дах өдөр мөчдөөр гарах ба тууралт дээрээсээ бүдгэрч эхэлдэг.

Хүндрэл:

Улаанбурхан нь ялангуяа 5-аас доош насны хүүхдүүдэд эрүүл мэндэд ноцтой хүндрэл учруулдаг. Нийтлэг хүндрэлүүд нь чихний үрэвсэл, суулгалт юм. Ноцтой хүндрэлүүд нь уушгины хатгалгаа, энцефалит ( тархины эдийн үрэвсэл)

Хэрхэн тархдаг вэ?

Улаанбурхан халдварлар чадвар өндөр. Халдвар авсан хүн ханиалгах, найтаах үед агаарт тархдаг. Тухайлбал Улаанбурхан өвчтэй хүн байсан өрөөнд байж л улаанбурхан өвчнөөр өвчилж болно. Энэ нь тухайн хүнийг явснаас хойш 2 цагийн дараа ч тохиолдож болно.