Олон улсын "Найрамдал" зусланд амарч байсан таван хүүхдээс улаанбурхан өвчний халдвар илэрчээ. Одоогоор тухайн хүүхдүүд ХӨСҮТ-д эмчлүүлж байна. Тус зуслан зуны улирлын амрагч авахаас урьтан "Амрагч хүүхэд нь улаанбурханы вакцин хийлгэсэн байх шаардлагатай" хэмээж байсан билээ. 

ХӨСҮТ-өөс улаанбурхан өвчний 7717 тохиолдол батлагдсан талаар өнөөдөр мэдээлсэн. Эдгээрээс эдгэрсэн 5807 хүн байгаа бол гэрээр 1212 хүн, эмнэлэгт 693 хүн хэвтэн эмчлүүлж байна. Мөн нийт 63052 ойрын хавьтал бүртгэгджээ. Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний батлагдсан тохиолдлын хавьтлаас улаанбурхнаар өвдөөгүй бол 72 цагийн дотор улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалаарай.