Судар, тарнийн шашныг тодруулан дэлгэрүүлэгч, Монголчуудын язгуур үндэсний багш Жадо ринбүчи дээдэст Дүлтим зансрүн идгаачойнзинлин дацангаас айлтгасны дагуу Монгол оронд анх удаа Дамдин Янсан бурхны авшиг айлдана. 

Авшигийн хөтөлбөр:

• 2025.06.26–28 – Өнгөт элсээр Дамдин Янсан бурхны хот мандал бүтээх

• 2025.06.29 – Равнай бэлтгэл хурал

• 2025.06.30 – Равнай хурал, авшигийн бэлтгэл

• 2025.07.01 – Равнай хурал, Дамдин Янсан бурхны авшиг айлдвар

Хот мандал лугаа барилдуулсан Дамдин янсан бурхны авшигийг манай оронд анх удаа айлдаж, машид ховор завшаан болж байна.  Авшиг хүртэхийг хүсэгч сүсэгтэн олон 2025.06.30-ны өдрийн 14:00 цагаас МБШТ- Гандантэгчэнлин хийд Идгаачойнзинлин дацанд морилон саатаарай.

Дамдин янсан бурхны тухай Жадо ринбүүчи “Дамдин янсангийн увидасыг Очирдара бурхан анхлан айлдсан. Богд Нагаржун бээр дамдин янсан бурхныг бясалган дээд шид бүтээлийг олсон. Жанрайсаг бурхан дошгин дүрийг үзүүлсэн хувилгаан нь Дамдин янсан мөн. Дамдин янсан нь дээр оршигч ад чөтгөр, саа, жугар, дунд оршигч ад чөтгөр, зан, жалгон, доор оршигч ад чөтгөр, савдаг, лус тэргүүтнийг номхотгогчийн дээд манлай юм ” хэмээн тодруулан айлдсан билээ. Богд Нагаржунай тэргүүлсэн Энэтхэгийн олон бандида шидтэнгүүд, мөн Түвэдийн олон мэргэн шидтэнгүүд дараалан заларсан Далай лам, Банчэн богд нар, манай Халхын богд нар Дамдин янсан бурхныг Ядам болгон шүтэж байсан уламжлалтай.