Зургаадугаар сарын 07-ны өдрийн үүрээр морьт харвааны бэлтгэлд байсан 18 тооны морийг дөрвөн иргэн хулгайлсан талаар тус морьдын эзэн, иргэн Н.Болдбаатар өөрийн цахим хуудастаа мэдээлсэн. Уг хэргийг ЭЦА-ны малын хулгайн гэмт хэрэгтэй тэмцэх тасаг, ХУД-ийн цагдаагийн хэлтэс болон Налайх дүүргийн цагдаагийн мөрдөгчид хамтран гурав хоног эрэн сурвалжилж өнгөрсөн шөнө /2025.06.13/ сэжигтнүүдийг дайчлан баривчилжээ. Энэ хэрэгт морьдыг бойнд өгч төхөөрсөн нөхцөл байдал тогтоогдсон. Шалгалтын ажиллагаа үргэлжилж байгаа ажээ.

Энэ хэргийг 18-29 насны зургаан залуу үйлдсэн байж болзошгүй байгаа бөгөөд морьдыг бүгдийг нь төхөөрсөн байжээ. 

Тэгвэл харвааны 18 морио хулгайчид алдаж нядлуулсан Морьт харвааны залууст Дамбын Хишгээгийн Мөнхжин Төрийн наадмын 2 аман хүзүү, 2 айраг, "Их хурд"-ын айраг хурдан Цолмон халзан азарганыхаа Хонгор халзан даагыг бэлэглэжээ. Тэрбээр "Сайхан сургаж Төрийн олон наадмын нээлтэд оролцож түмэн олноо баясгаж байх болтугай. Бусад уяачид залуусаа ч уриалаж байна" гэлээ.