“Эрдэнэс Тавантолгой” ХК 2025 онд ахуйн хэрэглээнд зориулагдсан цэвэрлэгээний материал худалдан авах тендер зарлажээ. Тус тендерийн нийт төсөв нь 394 сая төгрөг байгааг Төрийн худалдан авах ажиллагааны цахим системд мэдээлсэн байна.

Тендерийн зорилго нь компанийн өдөр тутмын үйл ажиллагаанд шаардлагатай цэвэрлэгээний материал, хэрэгслийг нийлүүлэх бөгөөд нийлүүлэгч нь шаардлага хангасан, найдвартай, чанартай бүтээгдэхүүн нийлүүлэх туршлагатай байх ёстой аж.

Тус тендерт “00”-ийн цаас, Автомат шал угаагч, Элгэн алчуур, Хивсний толбо арилгагч зэрэг 30 гаруй төрлийн ахуйн цэвэрлээний материал багтжээ.

Тус компани өмнө нь мөн ахуйн үйлчилгээ, катеринг зэрэг чиглэлээр томоохон хэмжээний худалдан авалт хийж байсан бөгөөд энэ удаагийн цэвэрлэгээний материалын тендер нь компани дотоод үйл ажиллагааны тогтвортой байдлыг хангахад чиглэгдэж буйг албаны эх сурвалж онцолжээ.