Нийслэлийн модлог ургамлын дийлэнх нь улиас байдаг. Үүнээс улбаатайгаар жил бүрийн өдийд унгирал буюу модны хөвөн /унгарил/ хийсэж, харшил сэдрээдэг. 

Мэргэжлийн байгууллагуудын мэдээлснээр, "Улиас модны биологийн хөврөл зургаадугаар сарын эхэн үед явагддаг. Энэ үед бидний модны хөвөн гэж нэрлээд байгаа унгирал гэдэг зүйл агаарт дэгдэж эхэлдэг. Тухайн явц уртдаа 14 хоног л үргэлжилнэ. Энэ үзэгдэл нь улиас мод үрээ тарааж буй байгалийн жам. Гэвч зарим иргэдийн хувьд амьсгалын замын зовиур, харшлын шинж тэмдэг нэмэгдэх хандлагатай байдаг тул амны хаалт хэрэглэх, цонх хаах, орчны цэвэрлэгээнд анхаарах хэрэгтэй" хэмээн зөвлөж байна. Мөн тэрбээр "Улиас модны унгарил харшил үүсгэдэггүй. Харин ургамлын тоос тоосонцор харшил үүсгэдэг. Харшилтай хүмүүсийн 99 хувь нь шарилж зүйлийн харшилтай байдаг" гэлээ.

Хот тохижилтын газраас тодорхой бүсүүдэд мод услах, шүүрдэх ажлыг үе шаттай зохион байгуулж байгаа бөгөөд иргэдийг өөрсдийн орчныг цэвэр байлгахыг уриалж байна.

Улиас мод байгалийн жамаар үр хөврөлд орж хөвөнт үрээ цацдаг. Үр нь газар унаж, байгальд дахин улиас мод ургадаг. Эр модны улаан тоосонцор эм модонд бууж нийлснээр улиасны цагаан үр агаарт тархдаг ажээ. Энэ процессыг зогсоохын тулд эр, эм модны үрлэх мөчрүүдийг тайрч, засч хэлбэржүүлдэг гэнэ.