Халдварт өвчин судлалтын төвөөс  улаанбурхан өвчний нөхцөл байдлын талаар мэдээлэл өглөө. Тэрбээр, "2025 оны зургаадугаар сарын 12-ний өдрийн байдлаар улаанбурхан өвчний нийт батлагдсан тохиолдол 6.836, гэрээр эмчлүүлж байгаа 958, эмнэлэгт хэвтэн эмчлүүлж байгаа 589, хавьтал 62.455 болсон бол нас баралт тав болон нэмэгдсэн" гэлээ. 

Мөн Улаанбурхан өвчнөөр нийт батлагдсан тохиолдлуудын 55.4 хувь нь улаанбурхан өвчний вакцинд огт хамрагдаагүй байсан бол 17.1 хувь нь ганц тунтай, 15.2 хувь нь бүрэн тунтай, 13.1 хувь нь вакцинд хамрагдах насанд хүрээгүй байсан байна.

Улаанбурхан өвчний тохиолдлууд ихэвчлэн ерөнхий боловсролын сургуульд голомтлон гарч байгаатай холбоотой хамт сурдаг, ажиллаж байгаа хүүхэд, иргэд халдвараас сэргийлэх үүднээс улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалах боломжтой. Тодруулах, лавлах зүйл байвал 72224444, 100 утсанд хандан лавлах боломжтой