Өмнөговь аймгийн Цогтцэций суманд малчин айлын 16 хонийг вагоноор дайрчээ. Тухайн малчин сүргээсээ тасарсан хэсэг хонио хайгаад очиход 16 хонийг ковшоор газар ухаж, булж байхтай таарсан байна. Тэдгээр ажилтан залуус "Төмөр замын ХАБ нүх ухаж, бул гэж үүрэг өгсөн" гэж тайлбарлажээ. 

Өмнөговийн нүүрс тээврийн зам дагуух хэдэн сумдын малчид энэ мэтээр олон тооны малаа алдсан байна. Халуун халж, хүйтэнд хөрж арчилдаг хэдэн малыг нь ингээд арав, хориор нь вагон дайрчхаад "Мал хариулагатай байх ёстой" гэсэн үгээр амыг нь тагалдаг аж.