Үндэсний их баяр наадмыг угтаж Төв цэнгэлдэх хүрээлэнгийн төв оффисын арын талбайг 98 сая төгрөгөөр хиймэл зүлэгжүүлэх тендер зарлагдсан байна.

Наадмын гол үзүүштэй төрөл болох үндэсний бөхийн барилдаан жил бүр чанаргүй ногоон зүлэг, борооны улмаас гулгамтгай орчинтой байсаар байгаа нь шүүмжлэл дагуулж ирсэн.

Гэтэл энэхүү тулгамдсан асуудлыг шийдэхийн оронд хүлээн авалтын зориулалттай бүсэд өндөр өртгөөр хиймэл зүлэг тавихаар төсөв зарцуулж байгааг зарим иргэд буруутгаж, “төрийн мөнгөний зарцуулалт туйлын үр ашиггүй” хэмээн сошиал орчинд шүүмжилж байна.

Тус ажлыг ямар компани гүйцэтгэх, хиймэл зүлэг ямар зориулалтаар, хэн ашиглах нь тодорхойгүй хэвээр байна. Харин бөхийн зүлэг дахин борооноор гулгахад хэн хариуцлага хүлээх вэ? гэдэг асуулт дахин сөхөгдөж эхэлжээ.