Монголын уламжлалт оюун ухааны өвийг илтгэх “Оюун түлхүүр” оньсон тоглоом нь дэлхийн соёлын өвд үнэлэгдэн, Дэлхийн Оюуны Өмчийн Байгууллага (WIPO)-аас эрхлэн гаргаж буй “100 онцлох загвар” нэртэй дурсгалын номд багтах болсныг Монголын Оюун Ухааны Академи мэдээллээ. 

“Оюун түлхүүр” нь Хүннүгийн үеэс улбаатай, монголчуудын оюун ухаан, бүтээлч сэтгэлгээг илэрхийлсэн оньсон тоглоом бөгөөд Унгарын угсаатны музейд хадгалагдаж буй нь түүхэн ач холбогдлыг нь улам тодотгож байна.

Энэхүү тоглоом нь монголчуудын бүтээлч сэтгэлгээ, оюуны өвийг дэлхийд таниулах, соёлын өвийн хадгалалт, хамгаалалтад чухал хувь нэмэр оруулж буйг харуулж байна.