ОХУ-аас Монгол Улсад суугаа Элчин сайд Алексей Евсиков "Элчин сайд асуулаа" хаштаг бүхий цаг үеийн мэдээллийг нүүр номдоо нийтэлдэг. Тэрбээр энэ удаад ДЦС-3 ТӨХК-д гарсан осолтой холбогдуулж дараах мэдээллийг нийтэлжээ. 

#Элчин сайд_асуулаа

6-р сарын 2-ны өдөр ДЦС-3-ын ослын улмаас эвдэрсэн генераторыг солих шинэ генераторыг ОХУ-аас Монгол Улсад нийлүүлэхээс татгалзсан гэх мэдээлэл Монголын хэвлэл мэдээлэл, олон нийтийн сүлжээгээр цацагдаж байна.Энэ үнэн үү?

Элчин сайд А.Н.Евсиков хариулав:

Юуны өмнө ослын улмаас амиа алдсан монгол инженерийн ар гэр, ойр дотныхонд гүн эмгэнэл илэрхийлье. Амиа алдсан хүмүүс маш их харамсалтай байна.

Гэтэл ОХУ-аас Монгол Улсад эвдэрсэн генераторыг солих шинэ генератор өгөхөөс татгалзсан гэх мэдээлэл худлаа.

Харин ч хэрэг гарсны маргааш ОХУ-ын эрчим хүчний салбарт тэргүүлэгч “Уралын турбины үйлдвэр” компанийн удирдлагууд ослын улмаас учирсан хохирлыг арилгахад иж бүрэн дэмжлэг үзүүлэх саналыг Монголын талд тавьжээ. Тодруулбал, өмнө нь хийж гүйцэтгэсэн бүтээн байгуулалтад үндэслэн станцыг хамгийн хурдан бөгөөд бүрэн сэргээх арга замыг тогтоохоор ДЦС-3-д техникийн мэргэжилтнүүдээ яаралтай илгээхэд бэлэн байгаагаа илэрхийлэв. Түүнчлэн ОХУ-д ДЦС-3-ын эвдэрсэн генераторыг солих бэлэн генератор байгаа талаар тус үйлдвэрээс мэдээллээ. Хамгийн богино хугацаанд Монголын талд нийлүүлж, ашиглалтад оруулах боломжтой. Гагцхүү монгол нөхдийн зөвшөөрөл л хэрэгтэй.