61 настай эрэгтэй архи уусан үедээ нэг ойтой ач охиноо мэсээр хөнөөсөн хэрэг өнгөрсөн хоёрдугаар сарын 03-ны өдөр Төв аймгийн Баянхангай суманд гарсан. Хоёрдугаар сарын 3-ны үүрээр 61 настай иргэн П согтуудаа нэг настай эмэгтэй хүүхдийн аминд халдсан хэргийг цагдаагийн байгууллагаас мөрдөж, прокуророос Эрүүгийн хуулийн 10.1-3 дахь хэсэгт заасан “Бага насны хүүхдийг хөнөөсөн” гэх зүйл ангиар яллаж, хэргийг шүүхэд шилжүүлжээ. Улмаар Төв аймгийн сум дундын Эрүүгийн хэргийн анхан шатны шүүх тус хэргийг өчигдөр /2025-06-03/-нд хэлэлцэж, Л.Пүрэвсүрэнд 14 жилийн хорих ял оноосон байна.