Цахим сүлжээнд “Солонгост яаралтай хагалгаанд орох заалттай хоёр настай Монгол хүүг 19 хоног хорьж, эрхийг нь ноцтой зөрчсөн баримт задарчээ” гэсэн гарчиг бүхий мэдээ олны анхаарал, зовнилыг төрүүлээд буй. Бид уг асуудлын талаар бодиот мэдээллийг ГХЯ-наас тодрууллаа.

Тэрбээр, “Цахим орчинд тархсан иргэний пост 2023 оны зургадугаар сард болсон үйл явдал байна. Бидний зүгээс тухайн үед холбогдох дэмжлэгийг үзүүлж шийдвэрлэсэн шүү. Үүнд олон нийт санаа зовох асуудал байхгүй ээ. Хэдийн өнгөрөөд, шийдэгдсэн асуудал байгаа юм” гэлээ.

Тус үйл явдлыг сануулахад, "Гурван настай хүү 22 настай аавын хамт нийт 18 хоног Өмнө Солонгосын саатуулах байранд байжээ. Аав нь хүүгийнхээ эмнэлгийн зардлыг төлөхийн тулд Солонгост хоёр жил гаруй ажиллаж байсан бөгөөд хүүгийнхээ эмчилгээнд шаардлагатай зардлыг төлөхийн тулд хууль бусаар ажиллаж байсан байна. Хүүгийн аав ээж хоёр 2020 онд БНСУ руу аяллын журмаар явж, тэндээ суурьшин хүүгээ төрүүлжээ. Гэвч хүү нь дутуу төрж, уушгины өвчтэй болсны улмаас эмчлүүлж эхэлсэн байна. Энэ үед тус улсад амьдрах визийн хугацаа дууссанаар хууль бусаар амьдарч байгаад баригджээ.