Цагдаагийн байгууллагаас өнгөрсөн долоо хоногийн ажлын тойм мэдээллийг танилцууллаа. Үүнээс онцлоход, цахим орчинд зээлийн эрх нэмэгдүүлнэ гэж зараар бусдыг хохироосон зургаан иргэнимйг яллагдагчаар татжээ. Тухайлбал, иргэн О нь зээлийн эрх нэмэгдүүлнэ гэх зараар бусдын итгэлийг олж, аппаар нь нэвтрэн долоон удаагийн залилах гэмт хэрэг үйлджээ. Энэ төрлийн гэмт хэрэг бараа үйлчилгээ захиалах, даалгавар биелүүлэх, виз гаргах, байр түрээслүүлэх зэрэг утгатай зараар нийтлэг үйлдэгдэж байгааг цагдаагийн байгууллагаас сэрэмжлүүллээ. 

Мөн тавдугаар сарын 31-ний өдөр Төв цэнгэлдэх хүрээлэнд зохион байгуулсан "Зуны зугаа" тоглолтын үеэр тасалбар худалдаж авахаар залилуулсан, хутгалуулсан, зодуулсан, эд зүйлсээ алдсан зэрэг 21 дуудлага мэдээлэл бүртгэдсэн байна. Улмаар цагдаа нар 10 ширхэг хутга хураан авч, 18 гар утас, төөрсөн долоон хүүхдийг эзэн асран хамгаалагчид нь өгч, согтууруулах ундаа хэрэглэж хэрэглэсэн бага насны  хүүхдүүдийн аюулгүй байдлыг ханган ажилласан байсан. Түүнчлэн гурван иргэний биед мэс ашиглан халдсан байж болзошгүй хоёр этгээдийг мөрдөн шалгаж байна.