Цагдаагийн байгууллагад энэ оны 06 дугаар сарын 01-ний өдрийн 05 цагийн орчимд Баян-Өлгий аймгийн Өлгий суманд “Зам тээврийн осол гарч хүн нас барсан байна” гэсэн дуудлага бүртгэгдсэн. Ослын улмаас 4 хүүхэд гэмтэж, 3 хүүхэд амь хохирсон харамсалтай хэрэгт Баян-Өлгий аймгийн цагдаагийн газраас  шалгалтын ажиллагааг явуулж байна.

Урьдчилсан байдлаар насанд хүрээгүй хүн 17 настай эрэгтэй нь төрсөн ахын эзэмшлийн приус 20 маркийн автомашиныг жолоодон явсан нь тогтоогдоод байгаа билээ. 

Уг асуудалтай холбоотойгоор ойрын эх сурвалжийн мэдээлснээр, "Дөрвөн хүүхдийн биеийн байдал маш хүнд байна. Нэг хүүхдийн тархи битүү гэмтэлтэй байгаа учраас Ховд аймгийн бүсийн оношилгоо эмчилгээний эмч нарыг хүлээж байгаа. Бусад гурав нь эрчимт эмчилгээ болон гэмтлийн эмнэлэгт эмчлүүлж байна" гэлээ.