Онцгой байдлын газар өнөөдөр /2025.06.02/ 00:27 цагт Хан-Уул дүүрэг 3-р хороо ДЦС-3” ТӨХК-ийн өндөр даралтын турбин цех дотор гал гарч байна гэсэн дуудлага ирсэн. Дуудлагын дагуу НОБГ-ын Гал түймэр унтраах, аврах 10, 14, 30, 18, 26, 63 дугаар ангийн алба хаагчид ажилла, 01:54 цагт галын тархалтыг зогсоож, улмаар бүрэн унтраагаад байна. Түймрийн улмаас 50х230 метрийн хэмжээтэй өндөр даралтын цехийн 9 дүгээр турбиний генератор, зүүн урд хана, дээврийн хэсэг шатаж байсныг унтраасан байна. Генератор нь дулааны цахилгаан станц (ДЦС)-ын гол төхөөрөмжийн нэг бөгөөд дулааны энергийг цахилгаан энерги болгон хувиргадаг байна. Одоогоор ДЦС-3-ын дунд даралтын хэсэг тэр чигтээ зогсонги байдалд оржээ.