Гэр бүл, хөдөлмөр, нийгмийн хамгааллын яамны зүгээс шинэчлэн боловсруулж байгаа нийгмийн халамжийн багц хуулийн төсөлд Зорилтот иргэнд халамжийн тэтгэвэр, тэтгэмж, хүүхдийн мөнгийг урьдчилж олгодог болох зохицуулалтыг тусгажээ.

Тодруулбал, Гэр бүл, хөдөлмөр, нийгмийн хамгааллын яамны зүгээс шинэчлэн боловсруулж байгаа нийгмийн халамжийн багц хуулийн төсөлд

“Гэнэтийн аюулт үзэгдэл, эрсдэлт нөхцөлийн сөрөг нөлөөг бууруулах үйлчилгээ” гэсэн зүйлийг шинээр тусган, өрх, иргэнийг гэнэтийн аюулт үзэгдэл, эрсдэлт нөхцөлд өртөхөөс урьдчилан сэргийлэх зорилгоор эрсдэлийн үнэлгээг хийжээ.

• Эрсдэлийн зэрэг өндөртэй нийгмийн халамжийн дэмжлэг туслалцаа зайлшгүй шаардлагатай болон зорилтот өрх, иргэнд нийгмийн халамжийн тэтгэвэр, тэтгэмж, хүүхдийн мөнгөн тэтгэмжийг 3 хүртэлх сарын хугацаагаар урьдчилан олгох,
• Зорилтот өрхийн хөдөлмөрийн насны хөдөлмөрийн чадвартай иргэдийг дайчлан гамшгаас урьдчилан сэргийлэх, бэлэн байдлыг хангах арга хэмжээг хэрэгжүүлэх, холбогдох сургалт зохион байгуулах, санхүүгийн дэмжлэг үзүүлэх арга хэмжээг тусгав гэж Гэр бүл, хөдөлмөр, нийгмийн хамгааллын яам мэдээлэв.

"Монгол Улсын нийгмийн хамгааллын тогтолцооны зохицох чадавх, малчдын уур амьсгалын цочролыг сөрөн тэсвэрлэх чадварыг дээшлүүлэх нь” тайланг хэвлэсэн байна.

Үүнд манай улсын нийгмийн хамгааллын тогтолцооны зохицох чадавхын үнэлгээг хийж, эрх зүйн орчин, бодлого, хөтөлбөр, түүний хэрэгжилтийн механизм, санхүүжилт, мэдээллийн сан ашиглалт болон олон улсын байгууллагын хамтын ажиллагаа, салбар хооронд болон орон нутгийн түүний уялдаа холбооны талаар судалжээ.

Мөн зудад нэрвэгдсэн ядуу, эмзэг малчин өрхийн нийгмийн хамгааллыг сайжруулах,цочролд хариу үзүүлэх нийгмийн хамгааллын тогтолцооны зөвлөмжүүдийг өгч ажилласан талаар тайлан танилцуулах уулзалтын үеэр хэлж байв.

Одоогийн Нийгмийн халамжийн тухай хуульд
Онцгой тохиолдлын болон амьжиргааг дэмжих мөнгөн тэтгэмж (1,2 сая төгрөг)-ийг гэнэтийн аюул, осол, урьдчилан төсөөлөх боломжгүй бусад шалтгаанаар гэр оронгүй, цаашид амьдрах боломжгүй болсон болон амьжиргааны эх үүсвэрээ алдсан өрх, иргэнд олгох,

Хөдөлмөр эрхлэлтийг дэмжих тухай хуулийн дагуу хөдөлмөр эрхлэлтийг дэмжих төсөл, хөтөлбөрийн хүрээнд малаа алдсан малжуулах арга хэмжээнд хамруулж байна.