Х Богд Жавзандамба хутагтын 10 насны ойн баярыг 2025 оны тавдугаар сарын 4-д тэмдэглэн өнгөрүүлжээ. Энэ үеэр "Богд ба хүүхдүүд" аянг өрнүүлж Ерөнхий боловсролын 122-р сургуулийн 4-р ангийн 10 бүлгийн 470 гаруй хүүхэд, 20 гаруй багш ажилчдад 8 төрлийн ном, 54 төрлийн оньсон тоглоом, 30 гаруй төрлийн шатар, даам, бөмбөг, рубик шоо, наалт тэргүүтнийг бэлэглэж, Богд хутагтын нэрийн өмнөөс хишиг хүртээж, музейгээр аялуулжээ. 

122 дугаар ерөнхий боловсролын улсын сургууль нь нийслэл Улаанаатар хотын Сонгинохайрхан дүүргийн 22 дугаар хорооны нутаг Тахилтын аманд 2013 онд байгуулагдсан. 1400 сурагч, 90 гаруй багш, сурган хүмүүжүүлэгчтэй. Япон улсын буцалтгүй тусламжаар “Монгол улсын бага боловсролын барилга байгууламжийг сайжруулах төсөл”-өөр хэрэгжсэн сургууль юм.