Ойрын өдрүүдэд нийгмийн сүлжээнд “Хэнтийн нуруунаас эх аван урсдаг Туул голд Орка халимны сүрэг бодь гал үзэгдсэн байна” гэсэн тайлбартай бичлэг олны анхаарал татаад буй.

Бид уг бичлэгийг нягтлаад үзэхэд, 2023 оны хоёрдугаар сарын 14-ний өдөр Канад улсын Dodds narrows хэмээх нууранд долоон Орка халим үзэгдсэн байна. Dodd Narrows нь орка халимнуудыг байгаль дээр нь ойроос ажиглах хамгийн тохиромжтой газруудын нэг бөгөөд далайн амьтдыг сонирхдог хэн бүхэн уг газарт очиж ажиглалт хийдэг гэнэ.

Нэмж дурдахад, Орка халим буюу алуурчин халим нь Монголд байх боломжгүй. Учир нь Орка халим нь далай, тэнгист амьдардаг далайн хөхтөн амьтан. Мөн тэд ихэвчлэн арктик, антарктик, мөн далайн гүн ус, эрэг орчим зэрэг газар нутгуудад тохиолддог.

Монгол Улс нь далайд гарцгүй орон бөгөөд эргэн тойрондоо тэнгис, далайгүй. Цэнгэг усны нуур (Хөвсгөл, Увс, Буйр гэх мэт) байдаг ч гэсэн орка халим тэнд амьдрах боломжгүй, учир нь тэд далайн давст усанд л оршин тогтнож чаддаг аж.