УИХ-ын даргын 2024 оны 76 дугаар захирамжаар байгуулагдсан цахилгаан дугуй (суррон), цахилгаан скүүтерийн хэрэглээг зохицуулах талаар санал, дүгнэлт гаргах үүрэг бүхий ажлын хэсгээс өнөөдөр /2025.05.27/ Замын хөдөлгөөний аюулгүй байдлын тухай хуульд, нэмэлт өөрчлөлт оруулах тухай хуулийн төслийн олон нийтийн хэлэлцүүлэг болж байна. 

Энэ үеэр, ТЦА-ны хэлтсийн дарга, цагдаагийн хурандаа Б.Очирбат: Манай улсад шинэ төрлийн бичил цахилгаан тээврийн хэрэгсэл болох цахилгаан дугуй /суррон/, цахилгаан скүүтерийн хэрэглээ сүүлийн 5 жилд эрс нэмэгдэж, энэ хугацаанд нийт 584 осол гэмтэл бүртгэгджээ. Тухайлбал, сүүлийн 2 жилд энэ төрлийн тээврийн хэрэгслээс үүдэлтэй осол гэмтэл 4-5 дахин өссөн байна. Осол гэмтэлд өртсөн хүмүүсийн дийлэнх нь 10-19 насны иргэд буюу бага насны хүүхэд, залуус байгаа нь төрөөс энэ асуудалд зайлшгүй анхаарал хандуулах цаг болсныг харуулж байна. Мөн "Цахилгаан скүүтер, мопедыг бусдын хөдөлгөөнд саад болгоод гудамд орхичихож байна. Үүнээс болоод явган зорчигч нарт маш ихээр саад болж байна. Энгийн иргэдээс гадна тусгай хэрэгцээт хүмүүс ч гэсэн тэдгээр замаар зорчдог шүү дээ. Тиймээс зориулалтын зогсоолыг бий болгох зайлшгүй шаардлагатай байна.