НИТХ 2025 онд Авто тээврийн болон өөрөө явагч хэрэгслийн албан татварын хувь хэмжээ болон мөн авто зам ашигласны төлбөрийн хэмжээг шинэчлэн батлах тухай тогтоолын төслийг баталсан. Шинэ тогтоолоор албан татвар 3-5 дахин нэмэгдсэн учир хотын машинд ногдуулах татварын нэмэгдлийг цуцлах өргөдөлд 33 мянган иргэн гарын үсэг зурж, УИХ-аас ажлын хэсэг гарсан. Улмаар Улаанбаатарын дугаартай тээврийн хэрэгслийн татварыг нэмсэн шалтгаан нь учир дутагдалтай бөгөөд иргэдийг мэдээлэлгүйгээр нь дамжуулж шинэчилж баталсан гэж дүгнэж, Төсвийн байнгын хорооноос гаргасан бөгөөд ажлын хэсгийн хуралдаанаар нийслэлийн холбогдох албаныхан тайлбар мэдээлэл өгчээ.

Шинэчилсэн тогтоолоор автомашины албан татвар: “Приус” 36.000-108.000, “Лексус 570” 188.100-564.300, “Портер” 30.000-75.000, “Ланд Круйзер-200” 151.800-455.400 төгрөг.

Зам ашигласны төлбөр: 2000 хүртэлх моторын багтаамжтай машин 20.000-аас 100.000, 2001-3000 хүртэлх моторын багтаамжтай машин 30.000-150.000, 4001 дээш моторын багтаамжтай машин 50.000-250.000 төгрөгийн татвар төлж эхэлсэн. 

Ямартай ч иргэдийн халаасанд хүндрэл нэмсэн эл шийдвэрийн талаар холбогдох газрууд хэлэлцэж эхэлсэн байна.