Жүжигчин Т.Энэрэл "Өнөөдөр миний 37 насны төрсөн өдөр тохиож байна. Өөрөө ч ойлгож амжихааргүй амсхийх завгүй өдрүүд өнгөрлөө. Намайг муулж сайлах нь ч дүүрч ... Гэхдээ юу гээч би жаргалтай байнаа яг одоо... Олон бяцхан зүрхэнд амьдрал хайрласан энэ төсөлд өөрийнхөө хөлсөө урсган олсон шагналаа хүлээлгэн өгнө гэдэг нь намайг хэмжээгүй их жаргалтай болгож байна. Цом авсандаа гол нь биш юм. Бүжгийн урлагийн гайхамшгийг үзэгчиддээ хүргэх, цаашлаад хэн нэгэн бүжгийн спортоор хичээллэх хүсэл сонирхлыг төрүүлэхэд энэ шоуны (тэмцээн биш) гол зорилго оршиж байгаа юм. Намайг дэмжсэн та нартаа баярлалаа. Та бүхний дэмжлэгээр би хүүг минь эрүүл саруул болгож өгсөн хамт олны ачийг багахан болов хариулах боломжтой боллоо" гэлээ. 

Өнөөдөр түүний төрсөн өдөр бөгөөд "Ододтой бүжиглэе" шоуны ялагч, мөн "Гэгээн муза" наадмаас шилдэг эмэгтэй дүрийн шагнал хүртээд байгаа билээ.