Нийслэлийн Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээс "Дүнжингарав" худалдааны төвийн уулзварт гарсан газ дэлбэрэлтийн хэргийг прокурорт буцаах тухай шийдвэр гаргажээ. 

Баянзүрх дүүрэгт болсон газ дэлбэрэлтийн хэргийн урьдчилсан хэлэлцүүлгийг  өнгөрсөн дөрөвдүгээр сард болсон. Улмаар шинжээчийн дүгнэлт эргэлзээтэй байна гэж үзэж дахин шинжээч томилохоор шийдвэрлэсэн. Түүнчлэн гал түймрийн аюултай бодис тээвэрлэж байгаа этгээд Онцгой байдлын газраас дүгнэлт авах шаардлагатай, 207 дугаар байрыг ашиглалтад хүлээж авахдаа галын дүгнэлт тодорхойгүй байсан зэргийг тодруулах шаардлагатай гэж үзсэн. Энэ "Дашваанжил" ХХК-ийн захирал, том оврын машины жолоочийг яллагдагчаар татан, шалгаж байгаа бөгөөд иргэн, аж ахуйн нэгжид учирсан хохирлын хэр хэмжээ, гал гарсан шалтгаан нөхцөлийг тогтоохоор зургаан төрлийн 76 шинжилгээ хийлгэхээр шинжээч томилж 75 дүгнэлтийг гаргуулж, 350 гаруй хүнээс мэдүүлэг авсан байдаг.