Хан-Уул дүүрэгт хоёр суудлын автомашин мөргөлдөж төмөр хийцэд хавчуулагдсан иргэдийг онцгой байдлын албан хаагчид эсэн мэнд гаргасан байна.

Тодруулбал, ослын дуудлага өчигдөр /2025.05.26/ 17:56 цагийн үед бүртгэгджээ. Албан хаагчдыг очиход иргэн Б-ийн “Toyota Prius Alpha” загварын суудлын автомашин, иргэн Л-ийн “Toyota Corolla Fielder” загварын суудлын автомашинтай мөргөлдөж 21 настай эмэгтэй Б болон иргэн 40 настай эмэгтэй А нар автомашины төмөр хийцэд хавчуулагдсан байсан аж.

Тэднийг Нийслэлийн түргэн тусламжийн төвийн Их эмч, Тээврийн Цагдаагийн албаны Ахлах мөрдөгч нарт хүлээлгэн өгсөн байна.