“Монголын Үндэсний Пара Хөнгөн Атлетикийн Холбоо”-ны ерөнхийлөгчөөр “Чингис Хаан групп”-ийн гүйцэтгэх захирал Г.Баяртулга томилогдлоо.

Удирдах зөвлөлийн хуралдааны нийт гишүүдийн 100% саналаар “Чингис Хаан Групп”-ийн гүйцэтгэх захирал Г.Баяртулга томилогдсон байна. “Чингис Хаан групп” нь 2006 онд байгуулагдсан бөгөөд Төмөр замын бүтээн байгуулалт, Олон улсын ачаа тээвэр, Олон улсын далайн тээврийн боомт（Тяньжин), Уул уурхай （нүүрс, жонш), Чөлөөт бүсийн худалдаа, Нефтийн худалдаа, Барилга, Аялал жуулчлал, Эрчим хүч, Автотээвэр, Төмөр замын дохиолол хамгаалалт гэсэн үндсэн чиглэлээр үйл ажиллагаа явуулдаг юм. Сүлийн жилүүдэд манай улсын паралимпын тамирчдын амжилт ахисаар байна.

Тиймээс Аж ахуй нэгж, томоохон групп компаниудын удирдлага, хувь хүмүүс хөрөнгө оруулж дэмжлэг туслалцаа үзүүлэн хамтран ажиллаж эхлээд байна. Монголын үндэсний пара хөнгөн атлетикийн холбооны хувьд “Парис-2024” зуны паралимпын наадмаар түүхэн дээд амжилтаа үзүүлж хөнгөн атлетикийн төрөлд медаль хүртсэн анхны тамирчинтай болсон юм.