Сэлэнгэ аймгийн нэгдсэн эмнэлгийн 31 эмч ажлаас гарах өргөдөл өгсөн байна. Тус эмч нар ажлаас гарах болсон шалтгаанаа, “Сэлэнгийн эмч нар цалин нэмээд өгөөч, байр савтай болгоод өгөөч гэж ажлаасаа гарах өргөдөл өгөөгүй, байнгын ажилын байран дээрээ дарамтлуулж, тайван ажиллах боломжгүйдээ, халаа сэлгээг нь хууль бусаар хийгээд байгааг эсэргүүцэж ажлаасаа гарах өргөдлөө 31 эмч өгч байгаа юм” хэмээн тайлбарлажээ.  

Мөн тухайн 31 эмч нараас гадна бусад эмч нар ч цахим хуудсаараа дамжуулан тус өргөдөлд нэгдэж эхэллээ. Тодруулбал, Сэлэнгэ аймгийн нэгдсэн эмнэлгийн мэс заслын тасгийн эмч Б.Минжбадгар " Би ч гэсэн өргөдөлөө өгнө. 13 жил Сэлэнгэ аймагтаа мэс заслын салбараа хөгжүүлж орон нутагтаа тусламж үйлчилгээ авдаг болохын төлөө төрсөн нутаг орондоо зүтгэж ирсэн. Дэмжих гэр бүл, хамт олон найз нөхөд удирдлагууд байсан. Сөрөг ч харлуулж гүтгэсэн зүйлүүд их гарлаа. Одоо бол хангалттай санагдаж байна холбогдох хүмүүст нь уламжилсан хүсэлт шаардлага илгээсэн хуулийн дагуу хандаад хүлээж байна" хэмээсэн юм. 

Харин одоогоор Сэлэнгэ аймгийн нэгдсэн эмнэлгийн удирдлагуудын зүгээс хариу тайлбар хийгээгүй байна.