Монгол-Оросын хамтарсан III сургуулийн захирал асан Ж.Соронзонд холбогдох шүүх хурал өчигдөр /2024.05.19/ БЗД, СБД, ЧД-ийн иргэний хэргийн тойргийн шүүх дээр болжээ. Улмаар шүүхээс Гэтэл Ж.Соронзон нь менежерийн албан тушаалдаа буцаж томилогдохын тулд шүүхэд нэхэмжлэл гаргаснаар тухайн хэргийн шүүх хурал өчигдөр Баянзүрх, Сүхбаатар, Чингэлтэй дүүргийн Иргэний хэргийн анхан шатны тойргийн шүүхэд боллоо. Шүүхээс Ж.Соронзонгийн нэхэмжлэлийг хянан хэлэлцэж, ажилгүй байсан хугацааны цалин хөлс болох 24 сая төгрөгийг олгох шийдвэр гаргаж, харин ажилдаа буцаан томилогдох хүсэлтийг хангаагүй байна.  

Боловсрол, шинжлэх ухааны сайдын 2022 оны 09 дүгээр сарын 07-ны өдрийн Б/72 дугаар тушаалаар “Орос-Монголын хамтарсан 3 дугаар сургуулийн захирлын үүрэгт ажлаас Ж.Соронзонг чөлөөлж, хөдөлмөр эрхлэлтийн харилцааг дуусгавар болгож байв. Тэгвэл шүүхээс түүнийг хууль бусаар ажлаас чөлөөлсөн гэж үзсэн бөгөөд үүний улмаас түүнд нөхөн олговор олгохоор болжээ

Сануулахад, "Монгол-Оросын хамтарсан гуравдугаар сургуулийн захирал Ж.Соронзон нь эрх мэдлээ урвуулан ашиглаж өөрийн төрсөн дүүтэйгээ түрээсийн гэрээ байгуулж, төрийн өмчийн сургуулийн төсвийн бус хөрөнгөнөөс 2015-2021 оныг дуустал хугацаанд 1.1 тэрбум төгрөгийг жил бүр шилжүүлсэн. 2015-2021 оныг хүртэлх хугацаанд Монгол Оросын хамтарсан сургуулийн данснаас нийт 46 удаагийн гүйлгээгээр 5 тэрбум 805 сая 394 мянга 261 төгрөгийг шилжүүлсэн баримтыг сэтгүүлч С.Бүдрагчаа илрүүлэн, АТГ хүргэсэн байдаг.