Ховд аймагт баригдаж буй барилгаас 11 хүн унаж, 3 нь газар дээрээ нас барсан хэргийн талаар тодрууллаа. Уг хэрэгтэй холбоотойгоор Цагдаагийн хошууч С.Баярбилэг мэдээлэл өглөө. 

Олон нийтийн сүлжээгээр тоон мэдээлэл дээр зөрүүтэй мэдээллүүд явж байсан. Одоогоор бол гурван иргэн нас барсан. Мөн гурван иргэний биеийн байдал хүнд, ухаангүй байдалтай. Аймгийнхаа Эрүүл мэндийн байгууллагын хяналтад эмчлэгдэж байна. Үлдсэн таван иргэний тухайд мөн эрүүл мэндийн тусламж үйлчилгээ аваад явж байна. 

Уг барилга нь 2024 оны дөрөвдүгээр сараас эхлээд 40 айлын орон сууцны зорилгоор баригдаж байсан таван давхар барилга гэсэн мэдээлэл байна. 

Хэргийн хувьд ажил олгогч болон хөдөлмөр аюулгүй байдлын асуудлууд яригдана. Эрүүгийн хуульд энэ төрлийн зохицуулалтыг маш тодорхой хуульчлаад өгчихсөн байсан болохоор цагдаагийн байгууллагаас уг зүйлчлэлтэй холбоотойгоор хяналт шалгалтын ажлыг явуулж байна.