Монголын Сонирхогчдын пуужингийн техникийн холбооны 3 дах төгсөлтийн сурагчид хоёр хоногийн өмнө /2025.05.17/ өөрсдийн хийсэн хатуу түлштэй, их чадлын пуужингуудаа хөөргөсөн билээ.  Долоодугаар ангийн сурагч Г. Чингүүн өөрийн бүтээсэн “DYNAMITE 2.0” пуужингаар газрын гадаргаас дээш 2095 фут өндөрт хүрч өндрийн амжилтаа шинэчилснээс гадна зөөлөн газардуулах системээ амжилттай туршжээ. Түүний хувьд энэ өнгөрсөн өвөл хөөргөсөн түүний өмнөх пуужингийн шүхэр нь задраагүй бөгөөд энэ удаагийнх нь амжилттай болсон нь энэ юм. Байгуулагдаад жил гаруй хугацаа болж байгаа сонирхогчдын пуужингийн техникийн холбооны өнгөрсөн оны сүүлээр хөөргөсөн KAPPA нэртэй /цойлуур пуужин/ нь 3200метрт хүрч одоогоор Монголын дээд амжилтыг эзэмшиж байна.