Орчин үеийн амьдралын хурд, ажлын ачаалал, сэтгэлзүйн дарамт зэргээс шалтгаалан олон хүн стрессийн даавар буюу кортизолын хэмжээ өндөр байх эрсдэлтэй тулгарч байна. Уг даавар удаан хугацаанд өндөр түвшинд байх нь хүний бие, сэтгэлзүйд ноцтой сөрөг нөлөө үзүүлдэг.

Кортизол өндөр байх үед илрэх түгээмэл шинж тэмдгүүд:

• Нойргүйдэх, шөнө дунд сэрэх, нойр муудах
• Жин нэмэх, ялангуяа хэвлийн хэсгээр таргалах
• Булчин сулрах, ядаргаа амархан мэдрэгдэх
• Толгой өвдөх, хүзүү, мөрний булчин чангарч хөших
• Хоол боловсруулах асуудал, гэдэсний эмзэг байдал
• Цусны даралт ихсэх, зүрхний цохилт хурдасах
• Дархлаа сулрах, халдварт өвчинд өртөмтгий болох
• Арьсны асуудал, батга гарах, үс унах

Сэтгэлзүйн шинжүүд:

• Түгшүүртэй болох
• Уур уцаартай
• Анхаарал төвлөрөх чадвар муудах
• Ой тогтоолт сулрах
• Сэтгэл гутралын шинж илрэх

Эмч мэргэжилтнүүдийн зүгээс стрессээ тайлах арга хэмжээг цаг алдалгүй авахыг зөвлөж байна. Үүнд амралт, дасгал хөдөлгөөн, амьсгалын дасгал, мэргэжлийн сэтгэлзүйчид хандах зэрэг арга үр дүнтэй.