Хөвсгөл аймгийн Мөрөн сумаас Галт, Шинэ-Идэр, Жаргалант сумдын чиглэлд цас орж шуурч Зүүн хоолой, Бумбат, Шивэртийн даваанууд хаагдаж, үзэгдэх орчин хязгаарлагдмал, хөдөлгөөн үйлдэх боломжгүй нөхцөл байдал үүсээд байна. Иймд иргэд, малчид, тээвэрчид та бүхэн зам, давааны нөхцөл байдал сайжиртал энэ чиглэлд хөдөлгөөн үйлдэхгүй байхыг Хөвсгөл аймгийн Онцгой байдлын газраас онцгойлон анхааруулж байна.