Бурхан багшийн Их дүйчин өдөр зуны тэргүүн сарын шинийн 15 буюу 2025 оны зургаадугаар сарын 11-ний лхагва гарагт тохионо. Энэ өдөр нийтээр тэмдэглэх баярын болон тэмдэглэлт өдрүүдийн тухай хуулийн дагуу бүх нийтээрээ амарна. Дүйчин гэдэг нь бурхны бодь хутгийг олсон, нирваан дүрийг үзүүлсэн өдөр бөгөөд эл өдөр хэрүүл тэмцэл хийх, хулгай хийх, амьтны амь таслах, өс хонзон санах, бусдыг доромжлон гүтгэх, өгөөгүйг авах зэрэг үйлийг цээрлэдэг байна.