Үйлдвэрлээд 10-аас дээш жил болсон автомашинд 6 дугаар сарын 1-нээс Улаанбаатар хотын дугаар олгохгүй хэмээн Авто тээврийн хэрэгслийн бүртгэл, хяналтын төвийн мэдээлсэн. Түүнчлэн ирэх сарын 1-нээс импортоор оруулж ирж байгаа тээврийн хэрэгсэл нь ашиглагдаж байгаа орноос экспортлогдохын өмнөх техникийн хяналтын үзлэгт орсон байх ёстой гэсэн шалгуур тавьж эхэлнэ. Өөрөөр хэлбэл хуучин машин оруулж ирэхдээ тухайн улсдаа техникийн хяналтын үзлэгт оруулж, тэнцсэн нөхцөлд Монголын хилээр нэвтрүүлэх эрх үүснэ.