2025 оны долоодугаар сарын 28-нд БНСУ-ын Чонжу хотын олон улсын нисэх буудлаас Хөвсгөл аймгийн Мөрөн хотын ОУНБ руу олон улсын анхны шууд нислэг үйлдэнэ. Хөвсгөл аймгийн Засаг даргын орлогч Ц.Гансүх Улсын Их Хурлын гишүүн Б.Бат-Эрдэнийн хамт Бүгд Найрамдах Солонгос Улсаас Хөвсгөл аймгийн Мөрөн хот руу шууд нислэг хийх бэлтгэл ажлын хүрээнд тус улсад ажиллаж байна. Энэ хүрээнд Солонгос улсын Paju хот дахь Монголын өргөмжит консул болон аялал жуулчлалын байгууллагуудтай уулзаж холбогдох арга хэмжээг авч ажиллахаар боллоо. 

Хойд бүсийн хуралдаанаар Монгол Улсын Ерөнхий сайд Л.Оюун-Эрдэнэ “Хөвсгөл аймгийн Мөрөн нисэх буудлыг 4С буюу олон улсын зэрэглэлтэй болгоно” гэдгийг онцолсон. 

Ингэснээр олон улсын шууд нислэг үйлдэх, хүлээн авах /Сөүл-Мөрөн, Бээжин- Мөрөн, Токио-Мөрөн боломж бүрдэж, нислэгийн тоо, зорчигч болон ачаа тээврийн эргэлт нэмэгдэж аялал жуулчлал хөгжихөд чухал нөлөөтэй юм.