1 наснаас дотогш үе бол хүүхдийн хараа-сэтгэлгээний (visual-cognitive) хөгжлийн хамгийн мэдрэмтгий, эмзэг үе юм. Энэ үед зурагт, дэлгэц үзэх нь хэд хэдэн сөрөг нөлөөтэй байдаг. Тухайлбал, 

• Харааны анхаарал ба фокус алдагдах:

Хүүхэд удаан хугацаанд дэлгэц рүү ширтэхэд нүдний ойрын болон холын зүйлд анхаарах чадвар сул хөгждөг. Учир нь дэлгэц дээр бүх зүйл ижил зайнаас, тод гэрлээр хурдтай солигдож харагддаг.

•  Орон зайн баримжаа алдагдах:

Бодит орчинд хүүхэд хол ойр, өндөр нам гэж ялгаж сурах ёстой. Гэтэл 2D дэлгэц дээр ийм ялгаа мэдрэгддэггүй тул харааны орон зайн чадвар хөгждөггүй.

•  Хөдөлгөөнт дүрсэнд донтох:

Дэлгэцийн хурдан солигдох зураг, тод өнгө, дуу авиа нь хүүхдийн тархины байгалийн анхаарал татагдах механизмд хүчтэй нөлөөлж, хөдөлгөөнгүй, жирийн орчныг сонирхох чадварыг бууруулдаг.

• Хараа-хөдөлгөөний уялдаа алдагдах:

Бодит ертөнцтэй харьцахдаа хүүхэд гараараа тэмтрэх, нүдээрээ ажиглах хөдөлгөөнийг уялдуулж сурах ёстой. Дэлгэц үзэх үед энэ туршлага хангалтгүй байдаг.

• Нойрны хэм алдагдах

Цэнхэр гэрэл нь нойрны гормон (мелатонин)-ны ялгаралтыг саатуулж, унтах хэмнэлд сөргөөр нөлөөлдөг болохыг Японы эрдэмтэд нотолжээ.

Бэлтгэсэн: Chantsaa mentor