ЗГ, ЭМЯ, Увс аймгийн ЗДТГ-аас хэрэгжүүлж буй “Бүсчилсэн хөгжлийг дэмжиж төвлөрлийг сааруулах бодлогын хүрээнд Увс аймгийн Нэгдсэн эмнэлэг нь баруун бүсийн элэг, ходоод, улаан хоолойн хорт хавдрын мэс заслын төв болох юм.

Энэхүү ажлын хүрээнд Увс аймгийн нэгдсэн эмнэлгийн баг хамт олон “Ходоодны хорт хавдрын мэс засал”-ыг орон нутагтаа бие дааж 2 дахь удаагаа амжилттай хийж гүйцэтгэлээ. Тухайн үйлчлүүлэгчийн хувьд эрт илрүүлгийн үзлэг оношилгоогоор ходоодны амсар хэсэгт байрлах том хэмжээний хортой хавдартай байсан нь оношлогдож улмаар тухайн үйлчлүүлэгчид ходоодыг бүрэн тайрах, улаан хоолойг нарийн гэдэстэй залгах мэс заслыг амжилттай хийлээ.