Хөдөө Аж Ахуйн Их сургуулийн Дархан-Уул аймаг дахь салбар сургуулийн захирал, доктор, дэд профессор П.Ганхуяг хөгжлийн бэрхшээлтэй иргэнд туслах зорилгоор ажилд авчээ. Тухайн иргэн 8 жилийн өмнөөс хүндээр өвдөж, мөн гэргий нь орчлонгийн мөнх бусыг үзүүлсэн ч амьдралын сорилтуудыг даван туулж хоёр хүүгээ өсгөж хүмүүжүүлэхийн төлөө өөрийн биенд ахадсан хүнд ачааг үүрч яваа нэгэн аж. П.Ганхуяг бусдад тус хүргэж, сайн үйлс бүтээж явдаг удирдагч бөгөөд түүнд бүлийнх нь амьдралыг өөд татан сэтгэл санааг нь өргөх үүднээс ийнхүү шийдвэр гаргажээ.