Нийтийн тээврийн бодлогын газарт иргэдээс ирсэн талархлыг хүлээн авч, санал, гомдол, хүсэлт бүрийг тухай бүрд нь шийдвэрлэн ажиллаж байна. 2025 оны 4 дүгээр сарын 25-28-ны өдөр иргэдээс ирсэн санал, хүсэлт, гомдлыг хэрхэн шийдвэрлэснийг хүргэж байна.

Талархал: Иргэн Ц.Бямба-Дорж: Ч:35 “Гадна тойруугийн эцэс-4-р дэлгүүр” чиглэлийн 16-015 гарааш дугаартай жолооч автобусанд мартсан зүйлийг олж, буцаан өгсөнд баярлалаа.

Талархал: Өчигдөр хүүхэд цүнхээ орхисон байсныг 16-022 гарааш дугаартай жолооч олж өгсөнд баярлалаа.

Иргэний гомдол: Иргэн И.Н: Ч:50 “Улаанхуаран-ТЭЦ-3” чиглэлийн 1-162 гарааш дугаартай автобусны жолоочийн зан харьцаанд анхаарч арга хэмжээ авч хариу өгнө үү.

Шийдвэрлэлт: Нийтийн тээврийн автобусны жолоочийг ажил үүргээ гүйцэтгэж байхад хажуугаас орж, жолоочийн тайван байдлыг алдагдуулсан тул гомдол гаргагчийн буруутай үйлдэл гэж үзсэн.

Иргэний гомдол: Шалгагч Б.Э: Ч:26 “Тоосгоны үйлдвэр эцэс-Жанжин клуб” 1-112 гарааш дугаартай жолооч маршрутаа унтраагаад буудлаа уншуулаад хүн авахгүй хоосон явсан.

Шийдвэрлэлт: 1-112 гарааш дугаартай автобусны камерын бичлэгийг шалгахад Баянзүрх дүүрэг-хойд буудал дээр 17.49 цагт хүнгүй ирсэн. Суух хүн ирээгүй тул урд хаалгаа нээлгүй явсан.

Иргэний гомдол: Баянгол дүүргийн иргэн Т.Д: Ч:73 “ТЭЦ4-Зунжин худалдааны төв” 4-086 гарааш дугаартай автобусны жолооч 3, 4-р хорооллын эцсээс 5 шар хүртэл тасралтгүй утсаар ярьж байна. Хүүхэд бууж амжаагүй байхад хаалгаараа хавчих шахлаа. Шаардлага хүлээж авахгүй байна. Арга хэмжээ авч хариу өгнө үү.

Шийдвэрлэлт: 4-086 гарааш дугаартай автобусны камерын бичлэгийг шалгахад жолооч гарын оролцоогүй чихэвчээр ярьж явсан. 5 шар-хойд буудал дээр зорчигчдыг буулгаж байхдаа хаалгаа хагас хаагаад нээсэн.

Иргэний гомдол: Сүхбаатар дүүргийн иргэн О.М: Ч:27 “Вокзал-Өвөр согоот” чиглэлийн 18-047 гарааш дугаартай автобусны жолоочийн зан харьцаанд анхаарна уу. Картаа цэнэглэсэн гэж бодоод суутал үлдэгдэл хүрэлцэхгүй тул жолооч намайг загнасан.

Шийдвэрлэлт: Жолооч Э.А-д зорчигч нартай соёлч боловсон харьцахыг анхааруулсан. Тухайн асуудлын хувьд жолооч буудлын карма руу ороогүй байхад зорчигч нар суух гэж хаалгыг нь тогшсоны улмаас маргаан гарсан байсан.

Иргэний гомдол: Иргэн Г.Б: Ч:7 “Нисэх-Ард кино театр” чиглэлийн 3-060 гарааш дугаартай автобусны жолооч 118-р сургуулийн буудал дээрээс хүнээ авахгүй явсан.

Шийдвэрлэлт: 3-060 гарааш дугаартай автобусны камерын бичлэгийг шалгахад 118-р сургууль-хойд буудал дээр 3-087 автобустай цуг ирж хүнээ өгөөд 7.05 цагт 3 минутын зай аваад хөдөлсөн.

Иргэний гомдол: Жолооч: Ч:29А “Сэлбэ амралт-Өргөө амаржих газар” чиглэлд шалгагч явуулж өгнө үү. Карт дарж хөлс төлөх хүн алга. Шаардлага тавихаар хэл амаар доромжлоод загнаад зураг аваад бичлэг хийгээд байх юм.

 Шийдвэрлэлт: Орлого төвлөрүүлэлтийн тасагт мэдэгдсэн.

 Иргэний гомдол: Баянзүрх дүүргийн иргэн Ч.Х: М:1 чиглэлийн 25-099 гарааш дугаартай автобусанд ХХБ-ны карт уншуулж суух гэтэл төхөөрөмж нь ажиллахгүй байхад жолооч олон хүний дэргэд хэл амаар доромжлоод хөөж буулгасан.

 Шийдвэрлэлт: 25-099 автобусны төлбөр төлөлтийн төхөөрөмж нь тухайн цаг үед ажиллаж байсан. Гомдол гаргагчид Улаанбаатар смарт карт ХХК-ийн 315004 дугаарт ашиглах боломжгүй гэх картынхаа асуудлыг тодруулах талаар зөвлөгөө өгсөн.