Нийгмийн сүлжээнд эцэг эх, асран хамгаалагчдын буруу дадлаас хүүхдийн эрүүл мэнд хэрхэн хохирч байгааг үзлэг оношилгоодоо тулгуурлан мэдээлдэг Б.Бямбабаяр эмч дараах мэдээг нийтэллээ. Тодруулбал, "Уг нь шүүмжилмээргүй л байна гэхдээ. Өөрсдөөс чинь болоод хүүхэд өвдөөд. Өвдсөн хүүхдээ буруутгаад байдагт чинь жаахан эгдүүцээд байдаг юмаа. 4-хөн настай хүүхэд хоол голоод, уурлаад хоол идэхгүй байхаар яанаа. Манай хүүхэд тахианаас өөр мах иддэггүй, ногоо иддэггүй, шөлтэй хоол иддэггүй. Шарсан төмсөнд дуртай. Өглөө ам нь цангаад байхаар нь ундаа өгчихдөг, цэцэрлэгтээ орохдоо уурлаад байдаг болохоор нь чихэр өгч аргаддаг.

Гэх мэтчилэн түгээмэл хэлдэг хүүхдүүд хамгийн их гэдэс өвдөж байна гэдэг. Тэдгээр хүүхдүүдэд ихэвчлэн ХЭВЛИЙН ЧАЦАРХАЙН ТУНГАЛГИЙН БУЛЧИРХАЙН ТОМРОЛ илэрдэг.

Нэг ёсондоо бид хүүхдээ багаас нь өвчнөөр угжиж эхэлж байнаа л гэсэн үг. Ийм хүүхдүүд ирээдүйд хэдэн насандаа хавдар, хатуурал,чихрийн шижин зэрэг өвчин тусахыг таашгүй. Аюул шүү аюул. 1 2 жилийн дараах биш 10-20 жилийн дараах зүйлийг л яриад байгаа юм шүү" гэв.