УИХ-ын гишүүн Л.Мөнхбаясгалангийн нэрийг барьж залилан хийжээ. Энэ талаар тэрбээр өөрөө мэдээлсэн юм. Тодруулбал, "СХД -т ийм хэрэг болжээ. Өөрийгөө өмгөөлөгч Болорцэцэг гэх хүн СХД-ийн 19-р хорооны иргэн н.Хулан гэдэг хүн дээр очиж “би УИХ гишүүн Л.Мөнхбаясгаланг сайн танина, ойрхон ажилладаг. Танд тусална” гэж хэлээд

“- Азийн хөгжлийн сангийн зээл авч өгнө 200-400 сая төгрөгийн зээл гарах боломжтой, та хэдэн төгрөгийн зээл авах вэ гэж хуураад 1,500,000 төгрөг,

- Хүүхдийг нь БНСУ-д сургуульд явуулж өгнө, гэхдээ 6 сарыг дуустал онгоцны суудал захиалга дүүрсэн байгаа, УИХ гишүүн суудал зохицуулж өгнө гэж 1,850,000 төгрөг,

- Би танд туслах гэж өөрийн 99091934 утасны дугаараа хүртэл барьцаанд тавьж зээл авч байна, мөнгө хэрэгтэй гэж 3,000,000 төгрөг, нийт 6,350,000 төгрөг авсан байна.

Миний бие өмгөөлөгч Болорцэцэг гэдэг хүн огт танихгүй бөгөөд хэнийг ч байранд оруулж өгч чадахгүй, мөн Солонгос руу зуучлахгүй, зээл авч өгч ч чадахгүй нь үнэн билээ. Тиймээс миний нэрийг барьж иргэдийг хуурч мэхэлсэн үйл явдал дахин гарч болзошгүй тул иргэд заавал манай ажлын албаныхантай холбоо барьж лавлаж асуухыг зөвлөж байна. Мөн дээр үйлдэгдсэн гэмт хэргийн шинж чанартай үйлдийг хуулийн байгууллагаар шалгуулах болно" гэлээ.