Монголын Бурханы Шашны гурван зулын нэг Ламын Гэгээний наймдугаар дүр Данзанжамбалчойжишинэн хутагт энэ өдрүүдэд Чикаго хотод морилон саатаж байна. Гэгээнтэн Мичиган тэнгист "Юлтүй" буюу Орон газрын рашааны угаалга үйлдэж, тэнгэр бурхан, лус савдаг, байгаль дэлхийг баясгалаа. Уг үйлийг гэгээнтний шавь нар "Болор тунгалаг толинд тэнгэр газрыг тольтож, тэнгэрийн нар нуурын мандалд цацарч, гэгээнтний буяны наран сав шимийн ертөнцөд цацарлаа. Их нигүүлсэнгүй, асар энэрлийн үүднээс болгоосон эгэл жирийн энэ үйлэнд лам гурван эрдэнэ, лус найман аймаг, гурван орчлон, гучин гурван тэнгэр, гурван мянган ертөнцийн амьтад лав баясаадаа" хэмээжээ.