Монгол орны ой, хээрийн түймрийн эрсдэлийн зураглалыг энэ оны гуравдугаар сарын байдлаар гаргахад нийт нутгийн 4.6 хувь нь нэн эрсдэлтэй байна.

Харин 24.1 хувь нь бага, 8.8 хувь нь дунд, 5.1 хувь нь эрсдэл их байгааг Ойн газар мэдээлэв.

Түймрийн эрсдэлийн зураглалд 2000-2024 онд гарсан ой, хээрийн түймрийн голомтын байршлын тархалт, түймрийн давтамжийн зураглал, ой, хээрийн түймрийн аюулын зэрэг, газрын бүрхэвчийн зураглал, хуурайшилтын индекс зэрэг түймрийн эрсдэлийн үзүүлэлийг харьцуульж гаргасан байна.

Он гарснаас хойш улсын хэмжээнд Архангай, Дундговь, Төв, Дорнод, Сүхбаатар, Хэнтий аймгийн 17 суманд 20 гаруй удаа ой хээрийн түймэр гарсан мэдээ бүртгэгджээ.