Дэлхийн номын өдөрт зориулан есөн эрдэнээр бүтээсэн хамгийн том судрыг дэлгэлээ

2025-04-23,   176

“Дэлхийн ном бичигт Монголчуудын оруулсан хувь нэмэр” номын үзэсгэлэнг Дэлхийн номын өдөрт зориулан Монгол Улсын Үндэсний номын санд нээлээ. 

Энэхүү үзэсгэлэнд VIII Богд Жавзандамба хутагтын нандигнан шүтэж байсан, есөн эрдэнээр бичсэн Жадамба судрыг бүрэн эхээр нь олон нийтэд дэлгэн үзүүлж байна. Уг судар нь Монгол Улсад есөн эрдэнээр бичигдсэн ном судруудаас хамгийн том хэмжээтэйд тооцогддог бөгөөд нийт урт нь 90.5 см, өргөн нь 33.4 см, зузаан нь 70 см, 145 хуудас болгомол хар цаасан дээр бүтээгджээ.

Мөн үзэсгэлэнд орчин үеийн уран зохиолын гол төлөөлөгч Д.Нацагдорж, Д.Намдаг, Л.Түдэв зэрэг нэрт зохиолч, эрдэмтдийн ном, зохиол, шүлэг, найраглал болон эрдмийн зэрэг хамгаалсан бүтээлийг олон орны хэлээр орчуулсан дээжээс толилуулж байна.

Уг номын үзэсгэлэн энэ сарын 25-ныг дуустал үргэлжилнэ.


Дэлхийн номын өдөрт зориулан есөн эрдэнээр бүтээсэн хамгийн том судрыг дэлгэлээ
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.