Төв аймгийн Жаргалант суманд нэг айлын бага насны охин гэртэйгээ шатаж амиа алдсан харамсалтай хэрэг гарлаа. Энэхүү харуусалтай эмгэнэлт үйл явдал өчигдөр /2025.04.22/ болсон бөгөөд сумын Засаг даргын шийдвэрээр бүх нийтийн цэвэрлэгээ зарласан байжээ. Нийтийн цэвэрлэгээнд дөрвөн хүүхэдтэй цэцэрлэгийн багш татагдсан бөгөөд бага насны дүү нараа харж байсан зургаадугаар ангийн охиныг ч мөн сургуулиас нь цэвэрлэгээнд дууджээ. Охин гэртээ дүү нараа цоожлоод үлдээх үеэр гал гарсан байна. Жаргалант сумын Онцгой байдлын гал унтраах техник хэрэгсэл ажилдаггүй дээр төр захиргааны цагаа олоогүй шийдвэрт иргэд бухимдлаа илэрхийлсээр байна. 

Сумын ТББ-ын залуус санаачлан гамшиг тохиолдсон айлд хандив цуглуулах аяныг эхлүүлээд байна.

Ковидын жил мөн л цэвэрлэгээний ажлаар нэгэн цэцэрлэгийн багш эмэгтэй дуудагдаж, гурван бяцхан сахиусан тэнгэрээ ахуйн ослоор алдаж байсан гашуун түүх саяхансан. Гэвч хаширдаггүй монгол зан, хүүхдийн аюулгүй байдлыг хангадаггүй томчуудын балгаар дахин гурван бяцхан сахиусан тэнгэр дээш одлоо.