"Ice top" хамтлагийн ахлагч, артист Б.Оргил-Эрдэнэ буюу Eyesgool Малайзад улсад байх үеэрээ ор сураггүй алга болсон тухай түүний төрсөн дүү Б.Од-Эрдэнэ мэдээлсэн. Уг мэдээллээс хэдхэн хоногийн өмнө Б.Оргил-Эрдэнэ мансуурсан байж болзошгүй дүрс бичлэг нийгмийн сүлжээнд нийтлэгдэж байв. Улмаар дүү нь Малайзад ирсэн байна, ах хүний наймаанд өртсөн байж болзошгүй байна, монголчууд туслаач  гэсэн юм. Харин өнөөдөр /2024.04.21/ Гадаад харилцааны сайд хэвлэлийнхэнд өгсөн мэдээлэлдээ "Б.Оргил-Эрдэнийг Тайландын хууль хяналтын байгууллага, эмнэлэг гээд сураглаж болох бүх газруудад хүсэлтээ тавиад хайж байна. Малайз улсад манай элчин сайдын яам байдаггүй. Тиймээс Тайланд улстай хамтарч ажилладаг" гэлээ.