Өөрийгөө нас барсан хэмээн гэмт хэргээс зайлсхийсэн хэргийг илрүүлэн шалгаж байна. 

Тодруулбал, хэрэгт холбогдон шалгагдаж байхдаа өөрийгөө нас барсан гэх хуурамч бичиг баримтыг бүрдүүлэн хариуцлагаас зайлсхийсэн хэргийг шүүхэд шилжүүллээ. Иргэн Т гэгч нь бусадтай бүлэглэн 2018-2022 оны хооронд хуурамч бичиг баримт үйлдэж зохиомол байдлыг бий болгон орон сууц худалдан борлуулна хэмээн иргэдийг залилж, бусдад 460 сая төгрөгийн хохирол учруулсэн хэрэгт холбогджээ. Улмаар хэрэгт холбогдон шалгагдаж байхдаа шүүхийн шатанд өөрийгөө нас барсан гэж итгүүлэн нас барсны гэрчилгээ гаргуулан авч, хэрэгээ хэрэгсэхгүй болгожээ. 

Цагдаагийн байгууллагаас уг хэргийг мөрдөн шалгаж, хуурамчаар үйлдсэн хэргийг нь илрүүлэн яллагдагчаар татаж, шүүхэд шилжүүллээ.