Нийслэлийн ерөнхий боловсролын I сургуулийн физикийн багш Б.Түвдэндорж 2022 дэлхийн физикийн олимпиадад түрүүлж алтан медаль хүртэж, эх орныхоо нэрийг цуурайтуулж байв.

Тэгвэл энэ удаад улсын физикийн олимпиадад 10 дахь удаагаа түрүүлжээ. 

Дэлхийн физикийн олимпиадын мөнгө, алтан медальт Б.Түвдэндорж Говь-Алтай аймгийн Халиун сумын уугуул. Нийслэлийн Сүхбаатар дүүргийн 1-р дунд сургуулийн физикийн багш. Тэрбээр 1982 оны 09-р сарын 03-нд Халиун суманд төрж, 1999 онд Физик, Математикийн гүнзгийрүүлсэн сургалттай 5-р сургуульд суралцаж төгссөн. 1999-2003 онд МУИС-ийн ФЭС-ийн физикийн ангийг “Онолын физикч” мэргэжлээр төгсөж, ажлын гараагаа Нийслэлийн “Шинэ Монгол” дунд сургуулиас эхлүүлжээ. Түүний ЭЕШ-д бэлтгэсэн шавь нар 95-100 % нь гадаад дотоодын нэр хүнд бүхий их дээд сургуульд элсэн суралцдагаас гадна улс, олон улсын олимпиадуудад удаа дараа амжилттай оролцсон байна.