Маргааш буюу дөрөвдүгээр сарын 16 Дэлхийн дуу хоолой хамгаалах өдөр. Дуу хоолой бол нийгмийн харилцааны чухал хэрэгсэл бөгөөд хүмүүстэй харилцах, сэтгэл хөдлөлөө илэрхийлэх, сайн сайхан байдал, гоо үзэсгэлэнд баясах боломжийг олгодог хүний амьдрал, сэтгэлийн чухал үйл ажиллагаа юм. Иймд та бүхэнд дуу хоолойгоо хамгаалах зөвлөмжийг хүргэж байна.

Хэт ачаалал өгөхөөс зайлсхий

• Орилох, чанга ярих, удаан хугацаагаар дуулах нь дууны хөвчид ачаалал өгдөг.
• Тайван, байгалийн өнгөөр ярихыг хичээ.

Ус их уух

• Дууны хөвч чийглэг байх шаардлагатай. Ус хангалттай ууснаар дуу авиа цэвэр гардаг.
• Кофе, архи, хийжүүлсэн ундаа нь хатаах нөлөөтэй тул болгоомжтой хэрэглэх хэрэгтэй.

Амьсгалын зөв техникт суралцах

• Ялангуяа дуулдаг бол, гэдсээр амьсгалах техникийг эзэмшвэл дуугаа хүчтэй, ачаалалгүй гаргаж чадна.
• Тайван, гүнзгий амьсгал авах дадал ч дууны чанарт нөлөөлнө.

Хоолой өвдөж байвал амраа

• Ханиад хүрсэн, эсвэл хоолой өвдөж байхад дуулах, чанга ярих нь хөвчийг гэмтээж болзошгүй.
• Энэ үед дууны хөвчөө амрааж, халуун шингэн, зөгийн балтай ус зэргийг хэрэглэ.

Тамхи татахгүй байх

• Тамхи болон утаа нь дууны хөвчийг гэмтээдэг, хуурайшуулах нөлөөтэй.
• Мөн хоолойны хавдар үүсэх эрсдэлийг нэмэгдүүлдэг.

Эх сурвалж: Улсын Гуравдугаар Төв эмнэлэг