Энэ жил Энхтайваны өргөн чөлөө, Их, Бага тойруу, Наадамчдын гудамж, Олимпийн гудамжны явган замыг бүхэлд засч, шинэчлэхээр дөрвөн удаа тендер зарласан байна. Гэвч явган хүний замын ажлыг гараар хийдэг ажиллагаа ихтэй гээд компаниуд орохгүй байгаа талаар хотын дарга Х.Нямбаатар учирлав.

Тэрбээр "Монголын ажиллах хүчний дутагдал ч нөлөөлж байна. Тиймээс тендерийн хуулийн дагуу Хот тохижилтын газар, зэвсэгт хүчин, хил хамгаалах байгууллагуудтай уулзаж, засварын ажлыг ирэх долоо хоногт эхлүүлнэ. Зуны сар зургаа биш тул урин цагт ажлаа амжуулах нь чухал байна" гэсэн юм.

Нийслэлд өнгөрсөн 2024 онд 87 байршилд авто замын засвар, шинэчлэл хийсэн гэдгийг албаныхан мэдээлж байсан юм.