Мөрөн сум Элст 7 дугаар баг “Шинэ мөрөн ХХК” худалдааны төвд гал түймэр өчигдөр /2025.04.14/ 21:34 цагт гарсан. Тус төвд 260 гаруй иргэд түрээсээр хүнс, бараа, гоо сайхан, бэлэн хувцас гэсэн төрлүүдээр үйлчилгээ үзүүлж байжээ. Улмаар аймгийн Онцгой комиссын шуурхай дөрөвдүгээр хуралдаан болж гал гарсан шалтгаан нөхцөлийг тогтоох, түрээслэгч иргэд болон компанид учирсан хохирлыг тогтоох чиг үүрэг бүхий ажлын хэсгийг Засаг даргын орлогч Ц.Гансүхээр ахлуулан байгуулсан байна. Түүнчлэн Засаг дарга Л.Төмөрбаатар "Түрээслэгч иргэдийн хохирлыг барагдуулахад онцгой анхаарч ажиллана" гэдгийг мэдэгджээ.

Цагдаа болон онцгойгоос "Уг барилга нь төмөр карказ хийцлэлтэй, сендвичэн хучилттай барилга байсан. Галд хоёрдугаар давхрын дээвэр нурж, нэгдүгээр давхрын шал цөмөрсөн байсан. Хүний амь нас эрсдээгүй. Нэг давхрын хэсгээс гал гарсан" гэлээ.